مشكلة من إحدي مستعمي ” أنا آنسة عندي 36 سنة متقدملى واحد متجوز عنده ٤٢ سنة، وشغال فى وظيفة كويسة ، وعنده بيتين ملك غير البيت اللى هو عايش فيه مع مراته وأولاده، وأنا مش حاسة إنى مرتاحة وحاسة بتردد رغم إنى عايزة أوافق علشان تعبت، والعمر بيجرى، لكن خايفة من المشاكل .. خاصة انه متجوز “.
ردت دكتور مهندس ” شيماء علام ” استشاري تعديل سلوك و جودة حياة علي هذه المشكلة قائلة : اولا هي نظرة للجانب المادي وإنها هتكون زوجة تانية و العمر بيجرى بها ، فهي بتعاني من ثلاث مشاكل في وقت واحد ، فهي محتاجة تعيش عيشة شكلها إيه ، فهل هي ممكن تتغاضى وتكون زوجة تانية وده مش عيب ولا حرام تكوني زوجة تانية والشخص الي حد ما هي شايفة مناسب ، طيب ليه هي مترددة .
وتابعت الحديث قائلة ثانيا مفيش حاجة اسمها العمر بيجري وقطار الزواج بيعدي ، الزواج رزق ، لكن هي يجب ان تحسن الإختيار، وهي واضح مش محددة أي أهداف، كمان هي مش بتتحدث من باب العاطفة ، هي مش تعاشر مراته ولا فلوس هي هتعاشره هو شخصيا ، اهم شئ في الزواج القبول ، هي مشكلتها واضعة المعايير الاجتماعية وليس المعايير الانسانية والموددة والرحمة اللي هتكون بينهما ، وأنا انصاحة تتضع معايير من أول وجديد وعلي أسسها تختار شريك الحياة .
