احتفلت النجمة رنا سماحة، بعيد ميلاد زوجها الملحن سامر أبو طالب، بحضور أفراد عائلتهما، ونشرت رنا فيديو عبر حسابها على انستجرام.
وعلقت رنا، على فيديو عيد الميلاد: “يارب أكون قدرت احقق لك ولو جزء من السعادة والحب الى عايشاه معاك”، وتابعت:” ناس كتير بتقول يابنتى هو مافيش غيركم أتجوز، عايزة أقولهم ربنا يديكم إلى يخليكوا تحسوا أن ماحدش غيركم أتجوز، ربنا يرزقكم بالى ينوركم ويفرح قلوبكم، وتابعت: كل سنه وأنت معايا وفى حضنى ودايما مبسوط وناجح وسعيد يا احلى جوز في الدنيا”.
كما نشر سامر أبو طالب، الفيديو نفسه عبر حسابه على انستجرام، وعلق عليه: “مش قادر أوصف فرحتى باللى عملتيهولى ولا عارف اشكرك ازاى .. حبيبتى وبنتى وصاحبتى واختى ومراتى و كل دنيتى .. شكراً من كل قلبى على كل حاجه عملتيهالى .. الحمد لله انك فى حياتى .. ربنا عوضنى بيكى يا ست البنات و احن زوجه.. اجمل ضحكه بتنور دنيتى كلها.. بحبك و دى كلمه قليله اوى على اللى جوه قلبى ليكى يا رنا .. ربنا يسعدك و يقدرنى انى افرح قلبك زى ما فرحتينى .. بتعملى ما فى وسعك عشان ترضينى .. ربنا يباركلى فيكى و يبعد عنا كل سوء و يحفظنا من كل شر”.
واحتفلت الفنانة رنا سماحة بزفافها على الملحن سامر أبو طالب، في ديسمبر الماضي.
