قررت الفنانة ليلى علوي أن تعبر عن مشاعرها تجاه ابنها خالد والتي يعلم الجميع ارتباطها الشديد به.
وعبر حسابها الرسمي بموقع وتطبيق انستجرام نشرت ليلى علوي عدة صور لها ولابنها خالد في مراحل عمرية مختلفة وعلقت كاتبة:”أكتر لحظة بلاقي نفسي مش عارفة اتكلم أو أعبر عن اللي حاسة بيه هي اللحظة اللي بتكلم فيها عنك عن ابني وسندي وضهري في الدنيا، بيتهيألي كل أم بتحس كده ناحية ولادها وبالذات لما يبدأوا يكبروا ومسؤوليتهم تتحول لصداقة وصحوبية وأوقات حلوة بنتشاركها زي الصحاب، خالد صاحبي وأخويا وابني وأقرب إنسان ليا في الدنيا وحبي ليك أكبر بكتير من كل اللي ممكن يتكتب، بادعيلك بالنجاح والسعادة والرضا والصحة وإن ربنا يديلك كل اللي بتحلم بيه واكتر”.
وفى سياق آخر تعود ليلى علوى إلى السينما بعد غياب 4 سنوات بفيلم “ماما حامل”، المقرر عرضه العام الجاري، وتدور أحداثه حول أسرة من طبقة غنية يتعرضون للعديد من المواقف الكوميدية، ويشارك في بطولته بيومي فؤاد، محمد سلام، سامي مغاوري، ومن تأليف لؤى السيد وإخراج محمود كريم.
