وحياتنا كلام فى كلام
ولا غيره عِتاب وملام
والغِيبه ووراها خِصَام
وبتكترعداوتنا
ويصبح ما بينا صِدَام
ونفوسنا تتوه فى زِحام
من كُره ومعاه الأوهام
ونبين قساوتنا
وتروح شمسنا فى غيام
ونهارنا يغوص فى ظلام
وعنينا يخاصمها منام
ونضيع سعادتنا
والأصل إن قاسى كلام
بيصيب القلوب بسهام
وبتِقتل جِرَاحه إذا دام
ونعيشها تعاستنا
وكفايه ياناس دا حرام
فى حياتنا جراح وآلام
وسببها ماغيره كلام
بيموت محبتنا
آه لو تانى تعود الأيام
ويكون اللى بينا وئام
حنعيش كلنا فى سلام
وهى دى غايتنا
بقلمى محمد عنانى
