إصحا ياابنى قوم
خلاص بكفايه نوم
وبلاش كمان كسل
القعده على العموم
دايما تجيب هموم
وكلام آخره زعل
وتحس ف كل يوم
كإن حالك معدوم
و جسمك فيه خلل
إصحا يا ابنى قوم
ماعاد للنوم لزوم
إسعا وشوف عمل
والرزق دا مقسوم
مكتوب لنا معلوم
من ربنا ومحتوم
وكامل زى الأجل
ولكنه عشان يدوم
أمره شىء محسوم
أكيد من غير جدل
لازم هدف مرسوم
باين ويكون مفهوم
وسلاح صبروأمل
ماتصحا ياابنى قوم
وخلاص كفايه نوم
وحان وقت العمل
بقلمى محمد عنانى
