شهدت الساعات الماضية، حدوث خلاف كبير بين مطربي المهرجانات عمر كمال، وحمو بيكا، على موقع التواصل الاجتماعي «فيسبوك»، ليتصدر بعدها حمو بيكا موقع التدوينات القصيرة «تويتر».
بدأت القصة بنشر حمو بيكا صورة لعمر كمال مصاحبة لعلامة «إكس» على وجهه، وعلق عليها: «ياريت محدش يكلمني في شغل على الشخصية دي، عشان أنا كنت بحبها، والشخصية دى بتتهرب من شغلي اللي خلاني اتفق عليه، والإثبات بعد الصورة دى هنزل فيديو»، مضيفا: «هو عامل بيحبني وهو بيكرهني، مع السلامة يا صحاب مزيفة».
ولم يكتفي «بيكا» بذلك، وظهر بعدها بأقل من ساعة في بث مباشر، وقال: «من سنتين مكنتش أعرف عمر كمال ولا أعرف مين ده، وجاب رقمي وبعتلي أنا عمر كمال اللي عمل أغنية الغربة وقالي وقتها أنا محتاج أعمل معاك أغنية، قولتله ده مكانك ومكان أخوك وتنزل تشرف أي وقت، وعشان أنا أبيض وبحب الخير لكل الناس فتحتله دراعي وعملتله أول أغنية كلكم عارفينها اسمها مساء النقص الأغنية نجحت ساعتها».
وأضاف: «كلمني بعدها بفترة، وقالي نعمل أغنية تانية قولتله تيجي دي مكانك ووافقت عملنا وقتها شمس المجرة بدأت من هنا مهرجانات كتيرة بتجمعنا، ومن فترة كنا بنسجل مهرجان انتي معلمة وهو عمل الفيديو وكان مسؤول عن كل حاجة وعمل كل حاجة لأن التراك ده كان هينزل على قناته بتاعت اليوتيوب وهيكسب منه وأنا عشان قلبي أبيض وكنت بعتبره طيب وغلبان لكن هو مطلعش طيب ولا غلبان».
وتابع: «أنا عايزك بس تعرف تغني من غير حسن شاكوش كده تفرجني نفسك بدل ما أنت عمال تقول بنت الجيران كسرت الدنيا وقفلت الدنيا ما هي قفلت فعلا أنا عايزك يا شاطر تطلع تغني لوحدك طب حسن شاكوش عمل أغاني كتير لنفسه ونجحت أنا عايزك تنزل لوحدك وتفرجني».
واختتم «بيكا» حديثه، قائلا: «يا عمر يا كمال انت شغلتي أنا هعرفك إزاي تشتغلني ومتقولش أنا عايز اخرج نفسي ومخرجش نفسي اها طول حياتك بتغني متعرفتش غير لما غنيت مهرجانات».
بعدها، نشر مطرب المهرجانات، حمو بيكا، فيديو آخر عبر صفحته الرسمية يظهر خلاله مع عمر كمال وشخص آخر وهم يتفقون على مهرجان يدعي مهرجان فستان الفرح الذي حدثت من أجله المشكلة وأنكر عمر كمال الاتفاق عليه ورفضه للقيام بالمهرجان، وقال عمر خلال الفيديو: «إن شاء الله أغنية فستان الفرح تبقي أغنية حلوة جدا وتعجب كل الناس».
وكان منذ يومين، ظهر حمو بيكا، في بث مباشر على حسابه الشخصي على موقع الصور الشهير «انستجرام»، وأعلن غضبه من أحد المطربين الذي تحدث عن أنه يحتل بمفرده قائمة أكثر 5 أغاني بحثا خلال عام 2020، دون ذكر اسمه رغم تواجده في القائمة بأغنيتين.
وقال «بيكا»، في البث المباشر: «لما تطلع تتكلم، تحدد النجاح من اللي عمله معاك، انت مبنتش نفسك بنفسك، وأنت ظاهر أمام الشعب المصري إنك أناني مبتحبش غير نفسك، وحابب إن أنت تصنع النجومية لنفسك وبس، فكك من اللي انت بتعمله وخليك محترم وكويس».
وأضاف: «أخونا عمر كمال لما سمع إللي إتقال قال إحنا نجحنا، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط،
عايز تحقق نجاحك انت بس، فرجني يا فهلوي يا حلو واعمل كام تراك لوحدك».
وعلم « موقع وردايو فرحة » من مصدر مقرب من «بيكا» أنه يقصد بتصريحاته الفنان حسن شاكوش، بسبب نشر الأخير عبر حسابه فيديو لعمرو أديب وهو يعلن أكثر 5 أغاني بحثا في 2020، وعلق عليه، قائلا: «الحمد الله.. اللي أنا فيه ده بفضل ربنا وجمهوري وإخواتي وحبايبي»، وهو ما أثار غضب بيكا لعدم ذكر إسمه وأسم عمر كمال كشركاء نجاح في المهرجانات التي قام بغنائها.
يذكر أن 5 أغاني مصرية تصدرت موقع جوجل كأكثر أغاني بحث عنها المصريون في 2020، والأغاني الخمس تنتمي لأغاني المهرجانات، وجاء في المرتبة الأولى مهرجان عود البطل، وفي المرتبة الثانية مهرجان بنت الجيران، ثم مهرجان هلا والله، عود البنات، شمس المجرة.
